Die Naak Lyfpakkie is ‘n heel eerste vir  Naak.

Na baie beplanning en ‘n groot proses het ons vir die eerste keer ons eie handelsmerk op materiaal laat druk.

Die ontwerp is geispireër deur #dienaakvrou met vroulike elemente soos die hangestikte strukkie, die plooitjies op die borste en laastens die valletjies op die nek lyn.

Die gedrukte materiaal word gevoer aan die binnekant sodat die pakkie met selfvertroue, sonder onderklere gedra kan word met die hoofdoel dat die kledingstuk basies ook as ‘n swembroek kan dien.

Die lyf pakkie het verstelbare bandjies sodat jou boesems perfek pas en goed ondersteun word, want kom ons wees eerlik elkeen se boesems sit nie op dieselfde plek nie.

Die lyf pakkie het 3 verstellings aan die onderkant om voorsiening te maak vir elke individuele lyf tiepe.

Hoe is sy aan mekaar gesit?

Ons het die selektiewe materiaal 3 keer laat druk om die perfekte pienk te kry en daarna ons handelsmerk op spandex/polyester materiaal laat druk sodat dit as beide ‘n lyfpakkie en ‘n swembroek kan dien.

Die lyf pakkie bestaan uit 10 panele wat met hand uitgeknip en gestik word.

Die plooitjies rondom die bors paneel (cup) word versigtig ingeryg en daarna simetries in die lyfpakkie ingepas. Daarna word ‘n dun rekkie in albei die bors panele gesit sodat die valletjie paasend teen jou bors sit. Laastens kry de bors panele bo-stiksels vir afronding.

Daarna word die verstelbare bandjies vasgewerk: eers word twee ringetjies vas gewerk, na dit word die los bandjie tussen die skuiwer geryg en dan deur die ringetjie waar dit dan in plek gestik word. Daar word ook twee dun rekkies in die been holtes vas gewerk en waarna dit afgerond word met ‘n bo-stiksel.

Geinspireer deur ons eie slagspreek: met liefde uit die oudedoos, bring Naak vir jou ‘n swembroek uit die 50s.

Die mees belangrikste faktor van die ontwerp was eerstens die pas (fit) en tweedens die kwaliteit en stikwerk van die kledingstuk.

Die swembroek sal nommerpas sit aan enige liggaamsbou as gevolg van beide strukke rondom die nek en bors wat dus verstelbaar is vir enige grootte boesem en dus so ontwerp is vir die nodige ondersteuning.

Die hoë-middel (high-waist) snit is spesiaal so ontwerp om aan te pas by die moderne tyd sodat jou boudjies net genoeg wys, maar nie te konswerwatief vertoon soos in die 60s nie.

Die swembroek word spesiaal met ‘n dikker materiaal gevoer aan die binnekant sodat jy met selfvertroue die strande kan aanpak. Dit dra ook tot ‘n gladder voorkoms rondom jou maag en boude, wat elke duitjie en bultjie mooi wegsteek. (Net die ‘curvy’ meisies gaan weet waarvan ons hier praat.)

Hoe is sy aan mekaar gesit?

Die kleinste en heel belangrikste detail van die swembroek word heel eerste gedoen; die klein paneeltjie op die bors. Baie tyd en aandag is op die detail van die V-kragie spandeer om te sorg dat die V- punt simetries is en daarna word diebo-steek presies volgens die kurwe met die hand gestik sodat die stikwerk perfek op die vorm moet loop.

Voor ons met die toppie kan begin moet die bande eers gemaak word. Die nek en rug bandjies word individueel met die hand gestik en met die hand na buite omgedraai.

Om die toppie te maak word die ‘polka dot’ materiaal eers aanmekaar gewerk en daarna die voering patroon sodat jy n top van ablei het. Die kraag word in plek gewerk saam met die twee nek bande en word tussen die twee lae, ‘polka dot materiaal’ en voering geplaas en vasgestik. Die rug bandjie word nou ook tussen die twee lae gewerk sodat wanneer dit weer omgekeer word,daar nie nate in die binnekant is nie ,maar dat die item glad teen die lyfie lê.

Heel laaste word die broekie gemaak, die voering en materiaal word saam gewerk en n rek word in die middelyf en beenholtes gestik wat dan afgerond word met n naatbedekking stiksel (coverseam).